नागपूर :-आशियाई क्रीडा स्पर्धेत तीन सुवर्णपदक पटकावून नागपूरसह देशाची मान अभिमानाने उंचावणारा आंतरराष्ट्रीय तिरंदाज ओजस प्रवीण देवतळे याने आज (गुरुवार) केंद्रीय रस्ते वाहतूक व महामार्ग मंत्री नितीन गडकरी यांची भेट घेतली. ना. नितीन गडकरी यांच्या निवासस्थानी ओजस व त्याच्या कुटुंबियांचे स्वागत झाले.
यावेळी ना. गडकरी यांनी ओजसला भेटवस्तू देऊन त्याचे अभिनंदन केले व भविष्यातील कामगिरीसाठी शुभेच्छा दिल्या. यावेळी ओजससोबत त्याची आई अर्चना व वडील प्रवीण देवतळे, भाऊ यतीन यांची उपस्थिती होती.
