संदीप कांबळे, विशेष प्रतिनिधी
कामठी :- धम्मचक्र प्रवर्तन दिनाच्या 67 व्या धम्मक्रांती दिनानिमित्त यावर्षी दीक्षाभूमी नागपूर च्या हाकेच्या अंतरावर असलेल्या कामठी शहरातील विश्वविख्यात ड्रॅगन पॅलेस टेम्पल येथे गौतम बुद्ध व आंबेडकर भवन परिसर येथे परमपूज्य डॉ बाबासाहेब आंबेडकरांच्या पूर्णाकृती पुतळ्याला नतमस्तक होण्यासाठी देशाच्या कानाकोपऱ्यातील लाखोंच्या संख्येत अनुयायी दोन दिवसांपूर्वी पासूनच जमले होते या अनुयायांची सुव्यवस्था कायम ठेवण्यासाठी व कायदा व सुव्यवस्था नियंत्रणात ठेवण्यासह वाहतूक व्यवस्था सुरळीत ठेवण्यासह अनुयायांच्या इतर सोयी सुविधांसाठी कामठी येथील नगर परिषद प्रशासनासह विशेषत्वाने नवीन कामठी पोलीस स्टेशन विभाग व जुनी कामठी पोलीस स्टेशन विभागाने मोलाची कर्तव्यदक्ष भूमिका बजावली त्या निमित्याने बहुजन रिपब्लिकन एकता मंच तर्फे नविन कामठी पोलीस स्टेशनचे वरिष्ठ पोलीस निरीक्षक प्रमोद पोरे , जुनी कामठी पोलीस स्टेशनचे वरिष्ठ पोलीस निरिक्षक दीपक भिताडे तसेच नगर परिषदचे जमादार अजय नाहर यांचे शॉल, पुष्पगुच्छ व मानचिन्ह देवून सत्कार करण्यात आले. 
या वेळी अजय कदम, दिपक सिरीया, दिपंकर गणविर, उदास बंसोड, सुभाष सोमकुवर, अशपाक कुरेेशी, अनुभव पाटील, मनीष डोंगरे, अनिल चौरसिया ईत्यादी प्रामुख्याने उपस्थित होते.
