संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या कळमना रोड वरील खूषबू मोटर्स जवळ एका अज्ञात ट्रक च्या धडकेने 17 वर्षीय अल्पवयीन मुलगा जागीच मरण पावल्याची दुःखद घटना आज सायंकाळी साडे सात दरम्यान घडली असून मृतक मुलाचे नाव प्रथमेश मोहन बुरबादे वय 17 वर्षे रा आदर्श नगर रणाळा कामठी असे आहे.
घटनेची माहिती मिळताच पोलिसांनी त्वरित घटनास्थळ गाठून घटनास्थळाचा पंचनामा करीत त्वरित मृतदेह ताब्यात घेऊन पुढील उत्तरीय तपासणीसाठी मृतदेह शवविच्छेदनगृहात हलविण्यात आले.पोलिसांनी घटनेची नोंद केली असून अज्ञात ट्रक चा शोध घेणे सुरू आहे तर या अपघाती मृत्यू घटनेने मृतक प्रथमेशच्या कुटुंबात शोककळा पसरली आहे.