अमरदिप बडगे, प्रतिनिधी
गोंदिया :- जिल्ह्यातील तिरोडा तालुक्यातील येडमाकोट या गावामध्ये पवन बरवेकर यांच्या घरी 16 नोव्हेंबर एक दुर्मिळ साप आढळून आला .या सापाला सर्पमित्र विकास तिडके याने पकडले. या सर्पाबददल सर्पमित्राने अशी माहिती दिले आहे की साप काळतोंड्या (Black headed snake) असुन हा साप बिन विषारी आहे. हा साप पोवळा या विषारी सापा सारखा दिसतो,या सापाचे शरीर तांबुश तपकीरी रंगाचे असुन सरीरावर तोंडापासून शेपटीपर्यंत शरीराच्या पृष्ठभागावर मध्यभागी लहान काळे ठिपके असतात, तोंड काळे असल्यामुळे मराठी त्याचे नाव काळतोंड्या असे पडले आहे. याची सरासरी लांबी २० सेमी ते जास्तीत जास्त 80 सेमी असू शकते. तसेच दोन्ही बाजूंना तोंडापासुन शेपटीपर्यंत लहान छिद्रे असतात. या सापाला कृष्णशीर्ष सर्प देखील बोलले जाते. या प्रकारचा दुर्मिळ साप या परिसरात पहिल्यांदाच दिसून आलेला आहे. सर्प मित्र विकास तिडके यांने सापाला पकडून जंगलात सोडून दिले आहे.
