खापा :- अंतर्गत ०७ किमी अंतरावर मौजा पौनिकर यांचे शेतात रामडोंगरी सावनेर येथे दिनांक १७/१२/२०२३ ते दिनांक १८/१२/२०२३ चे २०.०० वा. ०६.०० वा. दरम्यान यातील मृतक नामे सूलका चाचेरे, वय ८० वर्ष, रा. चोपा, ता गोरेगाव जि. गोंदिया ह. मु. पौनिकर यांचे शेतात, रामडोंगरी ता. सावनेर हिचे महिला आरोपी (मृतकाची सुन) हिचे सोबत झालेल्या भांडणाचे कारणावरून मृतक हिचा नातू आरोपी क्र. १) मुन्नालाल किसन चाचेरे वय २३ वर्ष याने मृतक हिला दगडाने डोक्यावर मारून ठार मारले व महिला आरोपी सुनेने मृतकास लाकडी दांडयाने मारले व आरोपी क्र. ०१) व मृतक हिचा मुलगा आरोपी क्र. २) नामे किसन जोंधरू चाचेरे, वय ५० वर्ष तिन्ही रा थोपा, ता गोरेगाव जि गोंदिया है मु पौनिकर यांचे शेतात, रामडोंगरी ता सावनेर यांनी संगणमत करून मृतक हीची डेड बॉडी प्लॅस्टीकच्या थैलीमध्ये भरून पुरावा नष्ट करण्याचे उद्देशाने जवळच असलेल्या रामडोंगरी परीसरातील पहाडी भागात फेकून दिले.
सदर प्रकरणी फिर्यादी यांच्या रिपोर्टवरून पो.स्टे. खापा येथे आरोपीतांविरुध्द कलम ३०२, २०१, ३४ भादवि. कायद्यान्वये गुन्हा नोंद केला आहे. आरोपी क्र. २) याला अटक करण्यात आली असुन गुन्हयाचा पुढील तपास सपोनि मनोज खडसे, पो.स्टे. खापा हे करीत आहे.
