नागपूर :-फिर्यादी गोपाल ग्यानीलाल राहंगडाले वय ७१ वर्ष रा. राजे दहेगाव, स्वाती सितारामदास महाजन मंदीर समोर, जवाहर नगर, भंडारा यांचा मुलगा नामे विशांत रहांगडाले यांचे घराचे वास्तु पुजन असल्याने ते जयंती नगरी, बेसा रोड, नागपूर येथे आले होते. दिनांक १६.१०.२०२४ चे ०८.०० वा. ने सुमारास, पोलीस ठाणे गणेशपेठ हद्दीतून मुख्य बस स्थानक येथुन फिर्यादी व त्यांची पत्नी हे दोघे नागपूर ते तुमसर जाणाण्या एसटी बस मध्ये चढ़त असतांना, फिर्यादीचे मागे असलेल्या एक अनोळखी आरोपी ईसमाने ‘तुम्हास मदत करू काय’ असे म्हणुन गर्दीचा फायदा घेवुन व फिर्यादीची नजर चुकावुन फिर्यादी जवळील बॅगमधील पर्स ज्यात सोन्या-चांदीचे दागिने व रोख १,००,०००/-, व बैंक एटीएम कार्ड असलेली एकुण किंमती अंदाजे ३,०४,८४०/- रू. मुद्देमाल चोरून नेला.
याप्रकरणी फिर्यादी यांनी दिलेल्या तक्रारीवरून पोलीस ठाणे गणेशपेठ येथे पोउपनि. सोनवने यांनी अज्ञात आरोपीविरूध्द कलम ३०३(२) भा.न्या.सं. अन्वये गुन्हा दाखल करून पुढील तपास करीत आहे.
