– ग्रामपंचायत चे अधिकृत पथदिव्यांच्या पुरवठा करणारे निविदाधारक सुरेश निमकर
कोदामेंढी :- शासनाच्या ई पोर्टल वरील माहिती नुसार येथे 20/05/2024 रोजी नागपूर येथील एम .एम. इंटरप्राईजेस मधून पथदिवे खरेदी करण्यासाठी तीन लाख 88 हजार 474 रुपये काढण्यात आले मात्र त्याची प्रोसिडिंगवर नोंद 70 हजार करण्यात आल्याचे ग्रामपंचायत सदस्य विष्णू बावनकुळे भ्रमणध्वनी वरून सांगितले.
दिनांक 07/10/2024 सोमवारला येथील गोविंद पेट्रोल पंपाजवळ सदर वार्ताहर पेट्रोल भरीत असताना येथील ग्रामपंचायतचे अधिकृत पथदिव्यांच्या पुरवठा करणारे निविदाधारक श्रीकृष्ण इलेक्ट्रिकल्स अँड हार्डवेअर चे प्रॉपरेटर सुरेश निमकर यांना विचारपूस केली असता गावात लावलेले पथदिवे हे आजपर्यंत माझ्याकडून घेतलेल आहे व आताही ग्रामपंचायत कडून घेणं सुरूच आहे .नागपूर येथील एम .एम. इंटरप्राईजेस दुकानातून घेतलेले पथदिवे गावात लावलेले नसल्याचे त्यांनी सांगितले, व ही खरेदी बेकायदेशीर असल्याचे त्यांनी सांगितले.
बेकायदेशीर घेतलेले पथदिवे गावातील पोलमध्ये लावण्यात आलेलं नाही तर ते कुठे लावण्यात आले? गावात मुक्कामी न राहणारे सरपंच आशिष बावनकुळे यांनी पथदिवे खरेदी प्रकरणात बेकायदेशीरपणे ग्रामपंचायत मध्ये अनियमित्ता तर केली नाही ना ?अशी शंका गावकऱ्यांना येत असून याबाबत येत्या 9 तारखेच्या मासिक सभेत कळणार असून मासिक सभेकडे समस्त ग्रामवासियांचे लक्ष वेधलेले आहे.