यवतमाळ :- यवतमाळ- वाशिम लोकसभा मतदारसंघासाठी आज दिनांक 2 एप्रिल रोजी एकून 4 उमेदवारांनी एकूण 7 नामनिर्देशनपत्र निवडणूक निर्णय अधिकारी डॉक्टर पंकज आशिया यांच्याकडे दाखल केले.नामनिर्देशनपत्र दाखल केलेल्या उमेदवारांमध्ये संजय उत्तमराव देशमुख, पक्ष शिवसेना उद्धव बाळासाहेब ठाकरे एकून 2 अर्ज, अनिल जयराम राठोड, पक्ष समनक जनता पार्टी एकून 3 अर्ज, संदीप संपत शिंदे, अपक्ष 1 अर्ज, मनोज महादेव गेडाम, अपक्ष 1 अर्ज यांचा समावेश आहे. आतापर्यंत एकून 5 उमेदवारांनी नामनिर्देशपत्र दाखल केले आहे.तसेच आज 15 व्यक्तींनी 22 नामांकन अर्जाची उचल केली. याप्रमाणे नामनिर्देशन प्रक्रियेस सुरुवात झाल्यापासून आतापर्यंत एकून 75 व्यक्तींनी 132 अर्जाची उचल केली आहे.