संदीप कांबळे, विशेष प्रतिनिधी
-एसडीओ च्या आदेशाची सर्रास अवहेलना, पीडित वडील पालन पोषण भत्त्यापासून वंचित
कामठी :- कामठी शहरातील यादव नगर रहिवासी 75 वर्षीय अपेक्षित वृद्ध वडीलाला त्याच्या मुलाने ज्येष्ठ नागरिकांचे कल्याण व पोषण कायदा 2007 चे कलम 5 अनव्ये दरमहा 5 हजार रुपये पालन पोषण भत्ता देण्यांत यावा असे आदेश मौदा एसडीओ ने 23 मे 2023 ला केले होते मात्र गैरअर्जदार या आदेशाची सर्रास अवहेलना करीत असल्याने सदर रक्कम वडीलाला देत नसून उलट त्यांना गैरवर्तणुक देत असल्याने यावर पोलिसांनी फौजदारी कार्यवाही करण्यात यावी असे आदेश उपविभागीय अधिकारी संजय पवार यांनी 20 जुन 2023 ला केले होते.हे आदेश होऊन आज दोन महिने लोटून गेले मात्र पोलिस विभागाकडून सदर गैरर्जदारावर कुठलीही कार्यवाही होत नसल्याने न्यायिक हक्काचा पोषन भत्त्याच्या मिळण्यापासून वंचित राहल्याने आता दाद मागावी तरी कुठे ?असा प्रश्न पीडित 75 वर्षीय वडीलाला पडला आहे
