संदीप कांबळे, विशेष प्रतिनिधी
कामठी :- देशात होत असलेल्या ऑनलाइन औषध विक्रीमुळे निर्माण होत असलेल्या अडचणी व ऑनलाइन औषधीमुळे तरुण पिढीवर होणारे दुष्परिणाम लक्षात घेता तसेच नागपूर केमिस्ट सदस्यांना महानगर पालिका प्रशासनच्या वतीने एलबीटीच्या जुन्या प्रकरणात नोटीस पाठवण्यात येत आहेत ज्यामुळे सदस्यांना नाहक डोकेदुखी होत आहे याप्रकारच्या समस्यांशी अवगत करणे हेतू नागपूर जिल्हा केमिस्ट अँड ड्रगीस्ट असोसिएशनच्या वतीने अध्यक्ष राजीव उखरे यांच्या नेतृत्वात केंद्रीय मंत्री नितीन गडकरी यांना निवेदन सादर करण्यात आले तसेच विधानपरिषद सदस्य प्रवीण दटके यांना सुद्धा निवेदित करण्यात आले.
निवेदन देताना शिष्टमंडळात उपाध्यक्ष श्याम चरोडे,उपाध्यक्ष दिनेश कुकरेजा,दत्ता खाडे,पवन मदान,अनिल अप्पा,कैलास लखाणी आदी केमिस्ट बंधू उपस्थित होते.
