आयोगाचे गठन झाल्यानंतर 3273 कुणबी प्रमाणपत्र वितरित

– जिल्हयात कुणबी –मराठा केवळ एक जात प्रमाणपत्र* 

नागपूर :-  मराठा समाजातील पात्र व्यक्तींना कुणबी, कुणबी-मराठा, मराठा-कुणबी जातीचे प्रमाणपत्र देण्याची कार्यपद्धती विहीत करण्यासाठी न्यायमूर्ती श्री. संदीप शिंदे (निवृत्त) यांच्या अध्यक्षतेखाली समिती गठीत करण्यात आली आहे. आतापर्यंत जिल्ह्यात 3273 प्रमाणपत्र वितरित करण्यात आले आहे.

यापैकी कुणबी-मराठा केवळ एक जात प्रमाणपत्र आहे.

समितीची कार्यकक्षा राज्यभर करण्यात आली आहे. समितीद्वारे संपूर्ण राज्यामध्ये सन 1967 पूर्वीच्या कुणबी, कुणबी- मराठा, मराठा-कुणबी जातीच्या नोंदी शोधणे तसेच नोंदी आढळलेले अभिलेख संकेतस्थळावर प्रसिद्ध करणे, संबंधित व्यक्तींना जात प्रमाणपत्राचे वाटप करणे याबाबत सूचना देण्यात आल्या आहेत. त्यानुसार जिल्ह्यात आतापर्यंत 3273 कुणबी प्रमाणपत्रे देण्यात आली आहेत.

शासन निर्देशाप्रमाणे जिल्हास्तरावर नोंदी शोधण्याकामी विविध कक्ष, विविध विभाग व मोठ्या प्रमाणात अधिकारी, कर्मचारी यांचा वापर करुन नोंदी शोधण्याचे काम केले आहे.

 *जिल्हयात कुणबी –मराठा केवळ एक जात प्रमाणपत्र* 

जिल्ह्यामध्ये 24 ऑक्टोबर पासून कुणबी, कुणबी – मराठा, मराठा -कुणबी जात प्रमाणपत्र प्राप्त करण्यासाठी आतापर्यंत प्राप्त झालेल्या अर्जाची संख्या एकूण 3289 आहे.

विशेष म्हणजे जिल्ह्यामध्ये 3 हजार 289 अर्जांपैकी कुणबी – मराठा एक अर्ज प्राप्त झाला आहे. प्राप्त अर्जानंतर तपासणी केल्यावर आत्तापर्यंत प्रदान करण्यात आलेल्या एकूण निर्गमित प्रमाणपत्राची संख्या 3273 आहे. यापैकी 3272 फक्त कुणबी आहे. तर एक कुणबी – मराठा प्रमाणपत्र प्रशासनामार्फत निर्गमित करण्यात आले आहे.

केवळ 16 अर्ज सध्या प्रलंबित आहेत. त्याची पूर्तता करण्याचे कार्य शासनस्तरावर सुरू असल्याचे निवासी उपजिल्हाधिकारी सुभाष चौधरी यांनी स्पष्ट केले आहे.

NewsToday24x7

Next Post

अंबाझरी धरण बळकटीकरणाचा विभागीय आयुक्तांकडून आढावा

Thu Jan 25 , 2024
*न्यायालयात पूरक प्रतिज्ञापत्र सादर करण्याच्या सूचना*  *पाण्याच्या विसर्गासाठी चार दरवाजे* नागपूर :- अंबाझरी धरणाच्या बळकटीकरणासाठी विविध यंत्रणांकडून करण्यात येत असलेल्या उपाययोजनांची अद्यावत माहिती पूरक प्रतिज्ञापत्राद्वारे न्यायालयात सादर करण्याच्या सूचना विभागीय आयुक्त विजयलक्ष्मी बिदरी यांनी आज दिल्या. अंबाझरी धरणाच्या बळकटीकरणासंबंधात उच्च न्यायालयाच्या आदेशांची अंमलबजावणी करण्यासाठी स्थापित उच्च स्तरीय समितीद्वारे कोर्टाचे नवीन निर्देशावर चर्चा करून झालेल्या कामांचा आढावा आज विभागीय आयुक्त बिदरी […]

You May Like

Latest News

The Latest News

Social Media Auto Publish Powered By : XYZScripts.com