नागपूर :- विभागीय लोकशाही दिनात आज दोन तक्रार प्रकरणे निकाली काढण्यात आले. विभागीय आयुक्त विजयलक्ष्मी बिदरी यांच्या अध्यक्षतेखाली आज विभागीय आयुक्त कार्यालयात प्रलंबित तीन तक्रार अर्जांवर सुनावणी पार पडली. बिदरी यांनी यावेळी तक्रारदारांचे म्हणणे ऐकून घेतले व प्राप्त तक्रारींवर तातडीने कार्यवाही करण्याच्या सूचना संबंधित अधिकाऱ्यांना दिल्या.
उपायुक्त घनश्याम भूगावकर यांच्यासह सहकार, आरोग्य, महापालिका, पोलीस, महिला व बाल विकास, भूमापन आदी विभागांचे अधिकारी यावेळी उपस्थित होते.
