नागपूर :- महाराष्ट्र शासनाच्या सांस्कृतिक कार्य संचालनालय च्यावतीने घेण्यात येणाऱ्या 62 व्या महाराष्ट्र राज्य हौशी मराठी नाट्य स्पर्धेच्या नागपूर विभागीय फेरीला 30 नोव्हेंबर पासून प्रारंभ होणार होत आहे. 21 डिसेंबर पर्यंत ही स्पर्धा चालणार असून एकूण 22 नाटके सादर केली जातील. सिविल लाईन येथील डॉ.वसंतराव देशपांडे सभागृहात ही स्पर्धा आयोजित करण्यात आली आहे.
30 नोव्हेंबर पासून विभागीय फेरीला प्रारंभ होत आहे. नागपूर केंद्रावर सादर होणाऱ्या नाटकांची वेळापत्रक सांस्कृतिक कार्य संचालनालय यांनी प्रसिद्ध केले आहे. दररोज सायंकाळी ७ वाजता प्रत्येक एक नाटक नाट्य रसिकांसाठी बघायला मिळणार आहे . डॉ. पिनाक गंगाधर दंदे सामाजिक संस्थेच्या ” दी फियर फॅक्टर या नाटकाने सुरुवात होणार आहे. नागपूरच्या नाट्य संस्थासह इंदूर येथील मध्य प्रदेश, मराठी अकादमी राष्ट्र तुकडोजी महाराज नागपूर विद्यापीठाचा ललित कला विभाग कोराडी औष्णिक विद्युत केंद्र याचीही नाटके या स्पर्धेत नागपूर केंद्रावर सादर केली जाणार असल्याची माहिती श्रीराम पांडे (मुंबई) यांनी दिली आहे. आणि नागपूर केंद्र समन्वयक मंजुश्री डोंगरे यांनी सांगितले आहे.