कन्हान :- कारचालकाने दुचाकी चालकाला धड़क दिली ज्यात तिघे जख्मी झाले असून सदर घटना बुधवार 3 मे 2023 ला सायंकाळी 5 : 00 वाजता दरम्यान नवीन कन्हान पुलावर घडली आहे
नरेश खोब्रागडे ( वय 35 ),पत्नी पूजा नरेश खोब्रागड़े ( वय 31) व मुलगी निमीशा नरेश खोब्रागडे ( वय 07 ) तिघे रा. इंदिरा नगर कन्हान असे जख्मीची नावे आहेत तर गुलाब श्रावण डांगे (वय 35) रा. गौतम नगर जूनी छावनी, कामठी असे आरोपी कार चालकाचे नाव आहे.
कन्हान इंदिरा निवासी खोब्रागडे कुटुंब कामठी वरुन आपल्या दुचाकी क्र एमएच 40 एव्ही 2156 ने कन्हानला येत होते. कन्हान नदिवरिल नवीन पुलावर विरुद्ध दिशेने येणाऱ्या कार क्र एमएच 40 बीई 4278 च्या चालकाने विरुद्धकड़े येवून दुचाकीला जबर धड़क दिली ज्यात तिघाच्या पायाला गंभीर दुखापत झाली . त्यांना कन्हान प्राथमिक आरोग्य केंद्रात प्रथमोउचार देवून नागपुर मेडिकल मध्ये रेफर करण्यात आले आहे.
पुलावरिल अपघाताबाबद प्रत्यक्षदर्शीने कामठी पोलिसांना माहिती दिली असून कामठी पोलिसांनी कार व चालकास ताब्यात घेतले आहे पुढील कारवाई कन्हान पोलिस करीत आहे.
तसेच सदर कार चालकाने कन्हान येथील आंबेडकर चौक येथे राधेश्याम हरिभाऊ पुंड ( वय 52 ) रा. कन्हान यांना सुद्धा धड़क दिली किंतु त्यांना गंभीर दुखापत झाली नाही .
