संदीप कांबळे, विशेष प्रतिनिधी
कामठी ता प्र 24:-स्थानिक नवीन कामठी पोलिस स्टेशन हद्दीत येणाऱ्या कामठी कळमना मार्गावरील एका चहा टपरीवर थांबुन डोनट नावाच्या वस्तूमध्ये गुंगीचे औषध घालून त्याच्याकडील बॅग ,एक मोबाईल , बॅग मध्ये असलेले महत्वपूर्ण कागदपत्र व नगदी 6 हजार 900 रुपये ,इतर साहित्य असा एकूण 20 हजार 900 रूपयाची लुबाडणूक करून पसार झालेल्या आरोपीचा शोध लावून अटक करण्यात आल्याची कारवाही नवीन कामठी पोलिसांनी नुकतेच केले असून आरोपीचे नाव रमेश यादव वय 58 वर्षे रा यशोधरा नगर नागपूर असे आहे.
पोलिसांनी दिलेल्या माहितीनुसार सदर अटक आरोपी हा ऍक्टिवा दुचाकीने नागपूरच्या बर्डीहून येत असता रस्त्यात उभे असलेला फिर्यादी 20 वर्षीय मुकेश पिछोडे रा बालाघाटला लिफ्ट देऊन कामठीला सोडून देत असता कामठी कळमना मार्गावरील रस्त्याच्या कडेला दुचाकी थांबवून चहा टपरी मध्ये जाऊन चहा प्यायला गेले असता फिर्यादीला खाण्यासाठी दिलेल्या डोनट मध्ये गुंगीचे औषध दिले असता फिर्यादी तरुणाला चक्कर येऊन बेशुद्ध पडले असता आरोपिने त्याच्याकडील बॅग ,कागडपत्रे व,मोबाईल व नगदी 6 हजार 900 रुपये असा एकूण 20 हजार 900 रुपयांचा मुद्देमाल चोरुन नेत पळ काढला दरम्यान फिर्यादीला खाजगी रुग्णालयात दाखल करून उपचार झाले असता सर्व घटना फिर्यादीच्या लक्षात आले असता फिर्यादी मुकेश पिछोडे ने पोलीस स्टेशनला तक्रार दिली त्यावरून पोलिसांनी अज्ञात आरोपी विरुद्ध गुन्हा दाखल करून तपासाला गती दिली असता काहीच दिवसात आरोपीचा शोध लावण्यात पोलिसांना यशप्राप्त झाले असून अटक आरोपीचे नाव रमेश यादव असे आहे.तर पुढील तपास एपीआय भातकुले करीत आहेत.
