नागपूर : स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने शुक्रवार (ता.२०) ०६ प्रतिष्ठानांवर कारवाई करून ३५ हजार रुपयांचा दंड वसूल केला. मनपा आयुक्त तथा प्रशासक राधाकृष्णन बी. यांच्या मार्गदर्शनात गांधीबाग झोनच्या उपद्रव शोध पथकाद्वारे प्रतिबंधित प्लास्टिक पिशवी संदर्भात ३ प्रतिष्ठानांवर कारवाई करून १५ हजार रुपयांचा दंड वसूल करण्यात आला तसेच ५ किलो प्लास्टिक जप्त करण्यात आले.
उपद्रव शोध पथकाने प्लास्टिक पिशवीच्या वापराबद्दल गांधीबाग झोन अंतर्गत प्रभाग न.8, टिमकी येथील श्री कृष्ण स्वीट यांच्याविरुध्द कारवाई करून 5 हजार रुपयांचा दंड वसूल करण्यात आला. तसेच प्रभाग न.8, टिमकी येथील सूर्या सोनपापडी यांच्याविरुध्द कारवाई करून 5 हजार रुपयांचा दंड वसूल करण्यात आला आहे. तर सतरंजीपुरा झोन अंतर्गत शांती नगर, जैन मंदिर जवळ कार्तिक स्वीट यांच्याविरुध्द कारवाई करून 5 हजार रुपयांचा दंड वसूल करण्यात आला.
त्याचप्रमाणे धंतोली झोन अंतर्गत नरेंद्र नगर येथील पिनासेल कंस्ट्रक्शन यांच्याविरुध्द रस्त्यालगत बांधकाम साहित्य पसरविल्याबद्दल कारवाई करून १० हजार रुपयांचा दंड वसूल करण्यात आला. तर लकडगंज झोन अंतर्गत रमण करिअर अकादमी यांच्याविरुध्द विद्युत खांबावर अवैध जाहिरात बॅनर लावल्याबद्दल कारवाई करून 5 हजार रुपयांचा दंड वसूल करण्यात आला. आशीनगर झोन अंतर्गत रुद्रा ड्राइविंग स्कूल यांच्याविरुध्द विद्युत खांबावर अवैध जाहिरात बॅनर लावल्याबद्दल कारवाई करून 5 हजार रुपयांचा दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
