नागपूर, ता. १२ : स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने मंगळवारी (ता.१२) रोजी ०३ प्रतिष्ठानांवर कारवाई करून २० हजार रुपयांचा दंड वसूल केला. मनपा आयुक्त राधाकृष्णन बी यांच्या मार्गदर्शनात धरमपेठ झोन अंतर्गत अंबाझरी रोड येथील राम सन्स ग्रुप यांच्याविरूध्द रस्त्यालगत बिल्डींग मटेरियल ठेवल्याबद्दल कारवाई करून १० हजार रुपयांचा दंड वसूल केला.
त्याचप्रमाणे गांधीबाग झोनच्या उपद्रव शोध पथकाद्वारे प्रतिबंधित प्लास्टिक पिशवी संदर्भात कारवाई करण्यात आली. पथकाने गांधीबाग झोन अंतर्गत नंगा पुतला चौक येथील वानखेडे ट्रेडर्स आणि भालदारपूरा येथील ग्रील प्रिंटर्स यांच्याविरूध्द प्लास्टिक पिशवीच्या वापर केल्याबद्दल कारवाई करून १० हजार रुपयांचा दंड वसूल केला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
