‘महाज्योती’ने घेतली विद्यार्थ्यांच्या मागणीची दखल
नागपूर : महात्मा ज्योतिबा फुले संशोधन व प्रशिक्षण संस्था (महाज्योती) नागपूर या संस्थेमार्फत राज्यातील इतर मागासवर्ग, विमुक्त जाती, भटक्या जमाती तसेच विशेष मागास प्रवर्गातील एकूण 1500 विद्यार्थ्यांना महाराष्ट्र लोकसेवा आयोगाच्या (एम.पी.एस.सी.) परीक्षेचे प्रशिक्षण देण्यात येते. यापैकी 48 जागा रिक्त होत्या. या रिक्त जागा भरण्याकरिता विद्यार्थ्यांनी महाज्योतीचे व्यवस्थापकीय संचालक राजेश खवले यांचेकडे मागणी केली होती.
महाज्योतीने विद्यार्थ्यांच्या मागणीचा सकारात्मक विचार करून तातडीने निर्णय घेऊन रिक्त जागा भरण्याकरिता गुणानुक्रमानुसार 48 पात्र उमेदवारांची निवड यादी संकेतस्थळावर प्रसिद्ध केली आहे. त्यामुळे विद्यार्थ्यांनी आनंद व्यक्त करीत ‘महाज्योती’ने न्याय मिळवून दिल्याबद्दल आभार व्यक्त केले आहे.