वर्धा :- राष्ट्रपिता महात्मा गांधी यांच्या जयंती निमित्त जिल्हाधिकारी राहुल कर्डिले यांनी महात्मा गांधी यांच्या पुतळ्याला सुतमाला अर्पण करुन अभिवादन केले. यावेळी जिल्हा पोलिस अधीक्षक नुरुल हसन, उपविभागीय अधिकारी दिपक कारंडे, तहसिलदार रमेश कोळपे आदी उपस्थित होते.
राष्ट्रपीता महात्मा गांधी यांच्या जयंती निमित्त जिल्हा प्रशासनाच्यावतीने महात्मा गांधी यांना अभिवादन करण्यात आले. यावेळी महात्मा गांधी चौक येथून राष्ट्रसंत तुकडोजी महाराज अंध विद्यालयाच्यावतीने रॅली काढण्यात आली. जिल्हाधिकारी राहुल कर्डिले यांनी हिरवी झेंडी दाखवून रॅलीचा शुभारंभ केला. जिल्हा पोलिस अधिक्षक नुरुल हसन व अन्य अधिकारी यावेळी उपस्थित होते. रॅलीमध्ये राष्ट्रसंत तुकडोजी महाराज अंध विद्यालयाच्या विद्यार्थ्यांनी सहभाग नोंदविला.