– उपद्रव शोध पथकाची धडक कारवाई
नागपूर :- नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. रविवार (ता. ०३) आणि सोमवार (ता.०४) रोजी उपद्रव शोध पथकाने १०२ प्रकरणांची नोंद करून ५४ हजार १०० रुपयाचा दंड वसूल केला.
शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/- दंड) या अंतर्गत २४ प्रकरणांची नोंद करून ९ हजार ६०० रुपयांची वसुली करण्यात आली. व्यक्तीने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत ०७ प्रकरणांची नोंद करून ७०० रुपयांची वसुली करण्यात आली. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे याअंतर्गत १० प्रकरणांची नोंद करून ४ हजार रुपयांची वसुली करण्यात आली.
शैक्षणिक संस्था, कोचिंग क्लासेस अशा संस्थांने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत याअंतर्गत १ प्रकरणांची नोंद करून १ हजार रुपयांची वसुली करण्यात आली. मॉल, उपहारगृह,लॉजिंग बोर्डिंग होर्डिंग सिनेमाहॉल, मंगल कार्यालये, कॅटरर्स सर्व्हिस प्रोव्हायडर इत्यादींनी रस्ता, फुटपाथ, मोकळी जागा, अशा ठिकाणी कचरा टाकणे या अंतर्गत ०२ प्रकरणांची नोंद करून ४ हजार रुपयांची वसुली करण्यात आली. वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत ११ प्रकरणांची नोंद करून १५ हजार रुपयांची वसुली करण्यात आली. वर्कशॉप, गराज व इतर दुरुस्तीचे व्यावसायिकांने रस्ता फुटपाथ मोकळी जागा अशा ठिकाणी कचरा टाकणे या अंतर्गत ०३ प्रकरणांची नोंद करून ०३ हजार रुपयांची वसुली करण्यात आली.
उपरोक्त यादीत न आढळणारे इतर उपद्रव (व्यक्ती) असल्यास ३४ प्रकरणांची नोंद करून ६ हजार ८०० रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास १० प्रकरणांची नोंद करून १० हजार रुपये दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
*प्रतिबंधात्मक प्लास्टिक पिशवी बाळगणाऱ्या ०६ प्रकरणांची नोंद*
मनपाच्या उपद्रव शोध पथकाद्वारे रविवार (ता. ०३) आणि सोमवार (ता.०४) रोजी प्रतिबंधक प्लास्टिक पिशवीचा वापर करणाऱ्या ०६ प्रकरणांची नोंद करून १५ हजार रुपयाचा दंड वसूल केला. याशिवाय रस्त्यालगत बांधकाम साहीत्य पसरविणे या अंतर्गत लक्ष्मीनगर झोन येथील मे. श्री कमलेश अपार्टमेंट, गजानन नगर, वर्धा रोड यांच्यावर व नेहरूनगर झोन येथील मे. गिरीधर कंन्स्ट्रक्शन्स आराधना नगर, खराबी रोड यांच्यावर आणि मंगळवारी झोन येथील मे. भाव्या इन्फ्रास्ट्रक्चर प्रा.ली. यांच्यावर कारवाई करीत प्रत्येकी १० हजार रुपये दंड वसूल केला. असे एकूण १२ प्रकरणाची नोंद करून ७५ हजार दंड वसूल केला.
