संदीप कांबळे, विशेष प्रतिनिधी
कामठी :- येथील रमाई नगरातील जवळपास 50 ते 60 घरांमधे पाईपलाईन असून सुद्धा नगर परिषद द्वारा पाणी पुरवठा केला जात नाही, पाण्या अभावी आजही रमाई नगरातील रहिवासी तहानलेलेच आहेत.
येथील नागरिकांच्या मागणी चे निवेदन भाजप पदाधिकारी उज्वल रायबोले, शंकर चवरे,ऋषी दहाट यांनी आज दुपारी उपविभागीय अधिकारी सचिन गोसावी यांना सोपविले. यावेळी माजी नगरसेवक लालसिंग यादव, प्रतिक पडोळे उपस्थित होते.
रमाई नगरात तातडीने पाणी पुरवठा करण्याबाबत उपविभागिय अधिकारी सचिन गोसावी यांच्या सोबत चर्चा करण्यात आली त्यांनी याबाबत नगर परिषद मुख्याधिकारी बोरकर यांना आवश्यक निर्देश देण्यात येतील असे स्पष्ट केले.
निवेदना वर रमाई नगरातील रहिवासी रतन रंगारी, सूरज बोरकर, शैलेश ऊके, कुंदन ऊपरीकर, मुकेश गोंडाने,राहुल भगत, मनोज वासनिक, शारदा भगत, गिरिजा जाधव, प्रकाश टेंभरे यांच्या स्वाक्षरी आहेत.
