बोरी :- दिनांक १२/०७/२०२४ रोजी पोस्टे बोरी येथील स्टाफ पोस्टे बोरी परीसरात पेट्रोलिंग करीत असतांना मुखबिरद्वारे विश्वसनीय खबर मिळाली की, एक इसम हा बोरखेडी रेल्वे गावाच्या गेटजवळ बसून अवैधरीत्या सट्टाप‌ट्टीवर लोकांकडुन पैसे घेवुन स‌ट्टाप‌ट्टीचे आकडे लिहुन जुगाराचा खेळ खेळवत आहे. अशा माहिती वरून बुट्टीबोरी येथील बोरखेडी रेल्वे गावाच्या गेटजवळ सापळा रचुन छापा टाकुन आरोपी नामे संजय वसंतराव नंदनवार वय ५२ वर्ष रा. प्लॉट क्र. ७९ खारबी रिंग रोड गजानन हायस्कुल जवळ चौतनेश्वर नगर खरबी नागपूर ह. मु. बोरखेडी हा स‌ट्टाप‌ट्टीचे आकडे लिहताना मिळुन आल्याने त्यास ताब्यात घेवुन त्याची झडती घेतली असता निळ्या शाईचा रंगाचा पेन किंमती अदाजे ५/-रू. व पांढ-या रंगाचा कागदावर आकडे लिहलेले व त्याचा कडून लोकांकडून घेतलेले नगदी १९७०/-रू. असे एकून १९७५/- रू. चा मुद्देमाल जप्त करून आरोपीविरूध्द पोलीस ठाणे बोरी कलम १२ अ महाराष्ट्र जुगार अधिनियम अन्वये गुन्हा नोंद करण्यात आला आहे.
सदरची कार्यवाही ही हर्ष पोहार पोलीस अधिक्षक नागपुर (ग्रा.), रमेश धुमाळ अपर पोलीस अधिक्षक नागपुर (ग्रा.) यांचे मार्गदर्शनाखाली पोस्टे बोरी येथील ठाणेदार हृदयनारायण यादव, पोहवा प्रविण देव्हारे, अरूण कावळे, पोशि गौरव मोकळे यांनी पार पाडली.
