संदीप कांबळे, विशेष प्रतिनिधी
-पांढरकवडा गावातील 11 गोवंश जनावरे लम्पी आजाराने बाधित
कामठी ता प्र 19 : गोवंशीय जनावरांमध्ये उदभवलेल्या विषाणूजन्य लम्पी चर्म रोगाचा कामठी तालुक्यात शिरकाव झाला असून आज 19 सप्टेंबर ला कामठी तालुक्यातील पांढरकवडा गावात 11 गोवंश जनावरे लम्पी चर्म रोगाने बाधित आढळले आहेत.
सध्या महाराष्ट्रात बहुतांश ठिकाणी पशुधनामध्ये उदभवलेल्या लम्पी चर्म रोगाने थैमान घातले आहे. आज प्रथमता कामठी तालुक्यातील पांढरकवडा गावात तब्बल 11 गोवंश जनावरात विषाणूजन्य लम्पी रोगाचा प्रादुर्भाव आढळुन आला आहे.माहिती मिळताच एसडीओ श्याम मदनूरकर, तहसिलदार अक्षय पोयाम, बीडीओ अंशुजा गराटे, तालुका पशुसंवर्धन अधिकारी डॉ लीना पाटील यांनी पांढरकवडा गावात भेट देत नागरिकांना सतर्कतेचा इशारा देत काळजी घेण्याचे आवाहन केले तसेच गावापासून 5 किमी परिघातील परिसरात लम्पी रोगाचे लसीकरण केंद्र उभारण्यात आले आहे.या रोगाचे समूळ उच्चाटन करण्यासाठी येथील प्रशासन तत्पर असल्याचे मत एसडीओ मदनूरकर यांनी प्रस्तुत प्रतिनिधींशी बोलताना व्यक्त केले.