संदीप कांबळे, विशेष प्रतिनिधी
कामठी तालुका विधी सेवा प्राधिकरण चा उपक्रम
कामठी :- समाजातील दुर्बल घटकांना मोफत कायदेविषयक सहाय्य पुरविण्याच्या दृष्टिकोनातून कामठी तालुका विधी सेवा प्राधिकरण समिती द्वारे खैरी गावात 9 नोव्हेंबर ला कायदाविषयक साक्षरता शिबिराचे आयोजन करण्यात आले होते.
यावेळी कार्यक्रमाच्या अध्यक्षस्थानी कामठी तालुका विधी सेवा समितीचे अध्यक्ष दिवाणी न्यायाधिश कनिष्ठ श्रेणी जे.ए.कोटणीस व कामठी न्यायालयाचे सहदिवाणी न्यायाधिश .ए.ए.कुलकर्णी तर प्रामुख्याने ,ग्राम पंचायतचे सरपंच बंडु कापसे ,कामठी न्यायालयाचे वकील अॅड.विलास जांगडे, अॅड.प्रफुल पुडके, अॅड.रिना गणवीर व अॅड.आर.डी.भिमटे अॅड.संदीप अढाऊ आदी उपस्थित होते.
या कार्यक्रमात दिवाणी न्यायाधिश .ए.जे.कोटणीस यांनी आपल्या अध्यक्षीय भाषणातून विधी सेवा प्राधिकरण/समिती द्वारे होणाऱ्या कार्याची माहिती व मोफत विधी सेवा प्राप्त करण्याबद्दलची माहिती ग्रामस्थांना दिली. तसेच सरपंच बंडू कापसे यांनी देखील ग्रामस्थांना विधी सेवा प्राधिकरण द्वारे होत असलेल्या कार्याचे व मोफत विधी सेवा घेण्याबद्दल विनंती केली व मौलिक मार्गदर्शन केले. कार्यक्रमाचा सूत्र संचालन अॅड.संदीप अढाऊ यांनी केले.
