संदीप कांबळे, विशेष प्रतिनिधी
कामठी :- कामठी तालुक्यांतर्गत येणाऱ्या लिहिगाव येथील मालू राईस मिलला शॉर्टसर्किटने अचानक आग लागल्याची घटना दुपारी 12 दरम्यान घडली मात्र वेळीच पोलीस प्रशासन तसेच अग्निशमन वाहन पोहोचल्याने आग आटोक्यात आणण्यात यश आले.सुदैवाने जीवितहानी टळली.
स्थानिक नवीन कामठी पोलीस स्टेशन हद्दीत येणाऱ्या लिहिगाव येथे मालू मिलच्या दुसऱ्या माळ्यापर्यंत मशीनचे ब्रान सेक्शन असून तेथून धानाचे कव्हर पास होते. दैनंदिन रित्या काम सुरू असताना अचानक शॉर्टसर्किट होऊन स्पार्क झाल्याने अचानक आग लागली.घटना घडताच मिलचे मालक बनवारीलाल मालू यांनी त्वरित पोलिस निरीक्षक प्रमोद पोरे यांना माहिती देताच पोलिसांनी त्वरित घटनास्थळ गाठून अग्निश्मन वाहनांच्या साहाय्याने आग विझविण्यात यश गाठले.हा सुदैवाने कुठलीही जीवितहानी झालेली नाही.
