नरखेड :- पोलीस अधिक्षक नागपुर जिल्हा नागपुर ग्रामिण याचे आदेशाने दि. १४/०२/२०२४ रोजी देवळी नरखेड, मौजा नरखेड टाउन, पिठोरी नरखेड येथे मोहाफूल गावठी दारू गाळणाऱ्या इसमांवर कार्यवाही करण्यात आली. अवैधरित्या मोहाफुल गावठी दारु काढणारे एकुण ०३ आरोपी हे मोहफुल रसायन सडवा बाळगुन मोहाफुलाची गावठी दारूची रनिंग भट्टी काढताना मिळुन आले. आरोपीचे ताब्यातून मोहाफुल दारूने एकूण ४९ लिटर मोहाफुल गावठी दारू प्रति लिटर ५०/- रू प्रमाणे एकूण २४५०/- चा मुद्देमाल मिळून आल्याने नष्ट करण्यात आला. आरोपी नामे- शालीकराम श्रीराम चकपाणी, वय ४२ वर्ष, रा. देवळी ता. नरखेड २) विजय सुरेश अरखेल, वय ४० वर्ष, रा. वार्ड क्र. १२ नरखेड ३) निलेश भाउराव उईके, वय ३० वर्ष, रा. पिठोरी ता. नरखेड यांचे विरुद्ध पो.स्टे नरखेड येथे कलम ६५ (ई) महाराष्ट्र दारुबंदी अधिनीयम अन्वये गुन्हा दाखल करण्यात आला आहे.
सदरची कार्यवाही ही पोलीस अधीक्षक हर्ष पोद्दार, अपर पोलीस अधिक्षक रमेश धुमाळ यांच्या मार्गदर्शनाखाली पोस्टे नरखेड ठाणेदार सपोनि कृष्णा तिवारी, पोहवा गजानन तितरे, पोशि जालिंदर राठोड, सफौ सनेश्वर, पोशि दिनेश हिवसे, दिनेश कुमेरीया, पोहवा भुजंग बन्सोड, अक्षय ठाकरे यांनी पार पाडली.
