– विद्यार्थ्यांच्या चेहर्यावर फुलले हास्य
रामटेक :- तालुक्याच्या सिमारेषेवर असलेल्या तथा ग्रामपंचायत काचुरवाही अंतर्गत येत असलेल्या खोडगाव येथील जिल्हा परीषद शाळेमध्ये उपसरपंच शिशुपाल अतकरे यांचे हस्ते विद्यार्थ्यांना शालेय गणवेशाचे वितरण करण्यात आले.
खोडगाव जि.प. शाळेमध्ये १ ते ४ वर्ग आहे. येथे गावातील व परिसरातील विद्यार्थी शिक्षण घेतात. दरम्यान नवीन सत्राची सुरुवात झाल्यावर अवघ्या काही दिवसातच या शाळेत शिक्षण घेणाऱ्या विद्यार्थ्यांना ग्रामपंचायत काचुरवाही ( खोडगाव ) चे उपसरपंच शिशुपाल अतकरे यांचे हस्ते शालेय गणवेशाचे वितरण करण्यात आले. यावेळी विद्यार्थ्यांच्या चेहऱ्यावर स्मित हास्य फुलले. यावेळी शिशुपाल अतकरे उपसरपंच ग्रा.पं. काचुरवाही (खोडगाव) यांचेसह शाळेतील शिक्षक उपस्थित होते.
