– खापरखेडा वीज केंद्रात कार्यकारी अभियंता (स्था) पद नाही
नागपूर :-खापरखेडा औष्णिक वीज केंद्राला कायमस्वरूपी स्थापत्य कार्यकारी अभियंता द्या, अशी मागणी राष्ट्रवादी काँग्रेसचे जिल्हा उपाध्यक्ष भुषण चंद्रशेखर यांनी महानिर्मितीचे अध्यक्ष तथा व्यवस्थापकीय संचालक, संचालक संचालन, संचालक प्रकल्प यांच्याकडे निवेदनाद्वारेे केेली आहे.
खापरखेडा वीज केंद्र निर्मिती पासून कार्यकारी अभियंता (स्थापत्य) हे पद नसल्याने प्रशासकीय हिताची कामे रखडली आहेत. स्थापत्य कार्यकारी अभियंता हे अतिमहत्त्वाचे पद म्हणून गणले जाते.
खापरखेडा वीज केंद्राच्या विकासाला गती देण्यासाठी स्थापत्य बांधकाम विभाग निर्माण करण्यात आला आहे. या खात्यातील कार्यकारी अभियंता यांचे तांत्रिक सल्ल्याने रस्ता बांधकाम, नाल्या बांधकाम, स्वच्छता विषयक सोयी सुविधा व वीज केंद्रात कार्यरत महत्त्वाचे इतर विभागातील संबंधित महत्वाचे बांधकाम करिता दिशानिर्देश व मार्गदर्शनसाठी कार्यकारी अभियंता (स्था) पद महत्त्वाचे आहे. मात्र खापरखेडा वीज केंद्रात कार्यकारी अभियंता हे पद अस्तित्वात नाही. अतिरिक्त कार्यकारी अभियंता ही जबाबदारी वर्षानुवर्षे पासून सांभाळत आहेत. अधिकारी त्यांच्या स्वत:च्याच कामाच्या व्यापात अडकून असल्यामुळे त्यांना वेळ देणे शक्य होत नाही.
