मुंबई :- माहिती व जनसंपर्क महासंचालनालय निर्मित ‘दिलखुलास’ आणि ‘जय महाराष्ट्र’ कार्यक्रमात मुंबई शहर जिल्ह्याच्या महिला व बालविकास अधिकारी शोभा शेलार यांची मुलाखत प्रसारित होणार आहे.
महिलांना संघटित करून, प्रशिक्षण देऊन त्यांचे आर्थिक सक्षमीकरण करणे याचबरोबर राज्यातील बालकांचे संरक्षण व्हावे, त्याचे हक्क अबाधित राहावे यासाठी राज्य शासन विविध योजना व उपक्रम राबवित आहे. पदपथावरील किंवा बेघर असणाऱ्या असुरक्षित महिला व बालकांचे पुनर्वसन व्हावे यासाठीही वेळोवेळी धोरणात्मक निर्णय घेऊन त्याची अंमलबजावणी करण्यात येत आहे. राज्य शासनामार्फत घेण्यात आलेले निर्णय मुंबई शहर जिल्हास्तरावर कशा प्रकारे राबविण्यात येत आहे, याबाबत महिला व बाल विकास अधिकारी श्रीमती शेलार यांनी ‘दिलखुलास’ आणि ‘जय महाराष्ट्र’ कार्यक्रमातून माहिती दिली आहे.
‘दिलखुलास’ कार्यक्रमातून शेलार यांची मुलाखत शनिवार दि. 16, सोमवार 18, आणि मंगळवार दि. 19 डिसेंबर 2023 रोजी सकाळी 7.25 ते 7.40 या वेळेत आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर प्रसारित होणार आहे. तर ‘जय महाराष्ट्र’ कार्यक्रमातून ही मुलाखत गुरुवार, 21 डिसेंबर 2023 रोजी सायंकाळी 7.30 वा. महासंचालनालयाच्या समाजमाध्यमांच्या पुढील लिंकवर ऐकता येणार आहे. निवेदक सुषमा जाधव यांनी ही मुलाखत घेतली आहे.
महासंचालनालयाच्या समाजमाध्यमांच्या लिंक
एक्स – https://x.com/MahaDGIPR
फेसबुक – https://www.facebook.com/MahaDGIPR
यू ट्यूब – https://www.youtube.co/MAHARASHTRADGIPR
