संदीप कांबळे, विशेष प्रतिनिधी
-3 मे ते 2 जून पर्यंत राबविण्यात येणाऱ्या शासकीय योजनांची जत्रा या उपक्रमाचा लाभ घ्यावा-आमदार टेकचंद सावरकर
कामठी :- शासकीय योजना ही लोकाभिमुख आहे तिला गतिमान करण्यासाठी सर्वसामान्य नागरिकांनी या ‘शासकीय योजनेची जत्रा’अभियानाचा पुरेपूर फायदा घ्यावा.शासकीय योजनेची जत्रा ही योजना सर्वसामान्य नागरिकासाठी विकासाची नांदी ठरली आहे.शासकीय योजनांची जत्रा या अभियानातून अनेकांच्या जीवनामध्ये बदल घडेल व लोककल्याणाच्या योजना तळागाळातील शेवटच्या व्यक्तीपर्यंत पोहीचतील असा आशावाद आमदार टेकचंद सावरकर यांनी कामठी तालुक्यातील आजनी गावातील सेंट जेनेली स्कुल येथे आयोजित शासकीय योजनांची जत्रा या उपक्रमाच्या शुभारंभ प्रसंगी व्यक्त केला.
या उपक्रमाचे उद्घाटन आमदार टेकचंद सावरकर यांच्या हस्ते करण्यात आले.याप्रसंगी माजी जी प सदस्य अनिल निधान, माजी सभापती उमेश रडके,तहसीलदार अक्षय पोयाम, बीडीओ अंशुजा गराटे, मुख्याधिकारी संदीप बोरकर,सभापती दिशा चनकापुरे आदी प्रशासकीय अधिकारी वर्ग प्रामुख्याने उपस्थित होते.
राज्य शासन सामान्य जनतेसाठी विविध लोकोपयोगी योजना राबवित आहे.शासकीय योजनापासून कुणीही वंचीत राहू नये याचा विचार करून शासकीय योजना गतिमान आणि शेवटच्या व्यक्तीपर्यंत पोहोचविण्यासाठी ‘शासकीय योजनांची जत्रा’हा उपक्रम राज्यभर सुरू करण्याचा निर्णय शासनाने घेतला असून हा उपक्रम कामठी तालुक्यात आज 3 मे पासून 2 जून पर्यंत राबविण्यात येणार आहे.त्यानुसार कामठी तालुक्यात आज 3 मे पासून शासकीय योजनांची जत्रा या उपक्रमाचा शुभारंभ करण्यात आला.तर या उपक्रमाचा 2 जून ला कोराडी मंडळात अभियान राबवून या उपक्रमाचा समापन करण्यात येणार आहे .
शासकीय योजनांची जत्रा या उपक्रमाच्या जाहीर कार्यक्रमानुसार कामठी तालुक्यातील कामठी मंडळात आज 3 व 4 मे रोजी आजनी येथील सेंट जेनेली सभागृहात सदर अभियान राबविण्याचा शुभारंभ करण्यात आला .यामध्ये कामठी,खैरी,भिलगाव ,खसाळा, येरखेडा,रणाळा ,घोरपड, आजनी,गादा,सोनेगाव राजा,उनगाव, नेरी या गावाचा समावेश होता ,या गावातील लाभार्थीनी या उपक्रमाचा लाभ घेतला तर वडोदा मंडळात 11 व 12 मे ला भूगाव येथील स्नेही विकास विद्यालय येथे उपक्रम राबविण्यात येणार असून या अभियानात बोरगाव,नान्हा,रांनमांगली,केसोरी, भामेवाडा, आसलवाडा, जाखेगाव, भुगाव, मांगली, वरंभा,झरप,निन्हाई रिठी, नेरला ,शिवणी,निंबा,चिखली, सेलू चे लाभार्थी सहभाही राहतील.18 व 19 मे ला महालगाव मंडळातील कढोली ग्रामपंचायत येथे अभियान राबविण्यात येणार असून यामध्ये महालगाव,कढोली, पावंनगाव,शिरपूर, धारगाव, दिघोरी,गारला,सावळी, गुमथळा, एकर्डी,आवंढी,लिहिगाव,भोवरी चे लाभार्थी लाभ घेतील.25व 26 मे ला तरोडी बु मंडळा त 25 व 26 मे ला ग्रा प तरोडी बु येथे अभियान राबविण्यात येणार असून यामध्ये तरोडी बु,तरोडी खु,बिडगाव,खेडी, पांढरकवडा,पांढुर्ण,आडका, टेमसना,परसोडी,कुसुंबी, परसाड, केम, उमरी,कापसी बु, पोवारी रिठी,आसोली गावातील लाभार्थी लाभ घेतील. तसेच 1 व 2 जून ला कोराडी मंडळातील कोराडी येथील विठ्ठल रुखमाई देवस्थान सभागृहात हा उपक्रम राबविण्यात येणार असून यामध्ये कोराडी,खापरीखेडा,सुरादेवी,खापा पाटण,बाबूलखेडा, तांदुळवाणी,चिचोली, लोंणखैरी,नांदा,गुंमथी, महादुला,पांजरा, म्हसाळा,कवठा वारेगाव ,बिना बिडबिना या गावातील लाभार्थी सहभागी राहतील तर या एक महिना च्या कालावधीत कामठी तालुक्यात राबविण्यात येणाऱ्या शासकीय योजनांची जत्रा उपक्रमाचा समापन करण्यात येणार आहे.
या शासकीय योजनेच्या जत्रेत संजय गांधी निराधार योजना,वनविभाग,आरोग्य,पशुवैद्यकिय,पशुसंवर्धन विभाग, पंचायत समिती, शिक्षण विभाग,कृषी विभाग ,नगर परिषद, नगर पंचायत आदी विभागातील महसूल प्रमाणपत्र, 7/12 फेरफार, वनहक्क,माझी कन्या भाग्यश्री, बेबीकीट, सायकल वाटप,सायकल धनादेश वाटप,,विद्यार्थी उपस्थिती भत्ता प्रमाणपत्र,सुवर्ण महोत्सवी उपस्थिती भत्ता प्रमाणपत्र ,माती परीक्षण,जॉब कॉर्ड वाटप, ईश्रम कार्ड वाटप,आयुष्यमान भारत कार्ड वाटप,घरकुल लाभार्थी रॉयल्टी वाटप,घरकुल पूर्णत्व प्रमाणपत्र,संगायो सर्व योजना ,वीज जोडणी ,आधार अपडेट, चरित्र प्रमाणपत्र,ज्येष्ठ नागरिक प्रमाणपत्र,सिंचन,जन्म मृत्यू ,विवाह नोंदणी प्रमाणपत्र आदी प्रकारचे प्रमाणपत्र वाटपाचे उद्दिष्ट ठेवण्यात आले आहे.
