संदीप कांबळे, विशेष प्रतिनिधी
-मुसळधार पावसाने कामठी तालुक्याला झोडपले
-भर दिवसा दिले रात्रदर्शन
कामठी ता प्र 9:-मागील आठवडा पूर्णपणे उष्णतेच्या लाटेत गेल्यानंतर आज सकाळी 9 वाजता कामठी तालुक्यात अचानक काळे ढग होत भर सकाळी रात्रदर्शन देत वादळी वाऱ्यासह मुसळधार पाऊस पडला. 
या वादळी मुसळधार पावसामुळे अनेक ठिकाणी पूरसदृश्य स्थिती निर्माण होत झाडाच्या फांद्या व झाडे उन्मळून पडले.तर आज मात्र सकाळपासूनच आकाशात ढगांची गर्दी झाली आणि नऊ वाजताच्या सुमारास कामठी तालुक्यातील शहर तसेच ग्रामीण भाग पूर्णपणे कळवंडले. त्यानंतर ढगांच्या कडकडाटासह मुसळधार पाऊस पडला.ज्यामुळे पूर्ण तालुका अवघ्या तासाभराच्या मुसळधार पावसात जलमय झाले.ज्यामुळे अवकाळी पावसाचा चांगलाच फटका बसला.शेतीचे बऱ्याच प्रमाणात नुकसान झाल्याचे सांगण्यात येते.
