नागपूर :- स्वतंत्र भारताचे प्रथम गृहमंत्री लोहपुरुष सरदार वल्लभभाई पटेल यांच्या जयंती निमित्त व माजी पंतप्रधान भारतरत्न इंदिरा गांधी यांच्या पुण्यतिथी निमित्त नागपूर महानगरपालिका मुख्यालयातील छत्रपती शिवाजी महाराज प्रशासकीय इमारतीतील दालनात अभिवादन कार्यक्रम घेण्यात आला. कार्यक्रमात मनपा आयुक्त तथा प्रशासक राधाकृष्णन बी. आणि नागपूर स्मार्ट सिटीचे मुख्य कार्यकारी अधिकारी चिन्मय गोतमारे यांनी सरदार वल्लभभाई पटेल व इंदिरा गांधी यांच्या तैलचित्राला माल्यार्पण करुन विनम्र अभिवादन केले.
याप्रसंगी मनपाचे उपायुक्त निर्भय जैन, रवींद्र भेलावे, डॉ. गजेंद्र महल्ले, महेश धामेचा, वेंकटेश कपले, राजेंद्र पुसेकर यांच्यासह मनपाचे अधिकारी व कर्मचारी उपस्थित होते. सरदार वल्लभभाई पटेल यांची जयंती राष्ट्रीय एकता दिवस म्हणून पाळण्यात येतो. त्या निमित्ताने मनपा आयुक्त तथा प्रशासक राधाकृष्णन बी. तथा नागपूर स्मार्ट सिटीचे मुख्य कार्यकारी अधिकारी चिन्मय गोतमारे यांनी उपस्थित अधिकारी व कर्मचा-यांना राष्ट्रीय एकता दिवसाची शपथ दिली.
सरदार वल्लभभाई पटेल जयंती व इंदिरा गांधी पुण्यतिथी निमित्त विनम्र अभिवादन
Contact us for news or articles - dineshdamahe86@gmail.com
