नागपूर :- भारताचे दिवंगत पंतप्रधान स्व. राजीव गांधी यांची जयंती महावितरण कार्यालयात सद्भावना दिवस म्हणून साजरी करण्यात आली. याप्रसंगी महावितरणचे प्रादेशिक संचालक सुहास रंगारी आणि नागपूर परिमंडलाचे मुख्य अभियंता दिलीप दोडके यांनी स्व. राजीव गांधी यांच्या प्रतिमेस माल्यार्पण करून अभिवादन केले. यावेळी सर्व उपस्थित अधिकारी व कर्मचाऱ्यांनी सद्भावना दिवसानिमित्त प्रतिज्ञा घेतली.
याप्रसंगी अधीक्षक अभियंता सर्वश्री हरीश गजबे, राजेश नाईक, मंगेश वैद्य, उपमहाव्यवस्थापक (माहिती तंत्रज्ञान) प्रमोद खुले, सहमुख्य औद्योगिक स्म्बंध अधिकारी, मधुसुदन मराठे, महाव्यवस्थापक (वित्त व लेखा) अतुल राऊत, सहाय्यक महाव्यवस्थापक (मानव संसाधन) प्रदिप सातपुते, कार्यकारी अभियंता समिर शेंद्रे, प्रणाली विश्लेषक प्रविण काटोले, उपमुख्य औद्योगिक संबंध अधिकारी सचिन लहाने यांच्यासह महावितरणचे अधिकारी, अभियंते व कर्मचारी मोठ्या संख्येने उपस्थित होते.