संदीप कांबळे, विशेष प्रतिनिधी
कामठी :- स्थानिक जुनी कामठी पोलीस स्टेशन हद्दीत येणाऱ्या बोरियापुरा ,मोंढा येथे गुप्तचर पद्धतीने सुरू असलेल्या जुगार अड्यावर धाड घालण्यात जुनी कामठी पोलिसांना गतरात्री 3 दरम्यान यशप्राप्त झाले असून या धाडीतून नगदी 15 हजार 950 रुपये, 61 हजार 500 रुपये किमतीचे महागडे मोबाईल व 52 तास पत्ती व इतर साहित्य असा एकूण 77 हजार 450 रुपयांचा मुद्देमाल जप्त करीत 15 जुगाऱ्याना ताब्यात घेत कायदेशीर गुन्हा दाखल करण्यात आले.
गुन्हा दाखल करण्यात आलेल्या 15 जुगाऱ्यात भूषण तरारे वय 22 वर्षे रा कुंभारे कॉलोनी, सौरभ बोरकर वय 38 वर्षे रा कमसरी बाजार,आकाश हिवसे वय 24 वर्षे रा कादरझेंडा, निखिल तिरोडेकर वय 26 वर्षे रा कादरझेंडा, पवन लोंढे वय 26 वर्षे रा कुंभारे कॉलोनी, सोहेल खान वय 20 वर्षे रा पिली हवेली ,आशिष सहारे वय 28 वर्षे रा काली माता मंदिर,कुणाल दहाट वय 34 वर्षे रा जे पी नगर, फिरोज खान अब्दुल खलिद वय 28 वर्षे रा प्रबुद्ध नगर, विजय गेडाम वय 38 वर्षे रा जे पी नगर, सुरज केराम वय 35 वर्षे रा चित्तरंजनदास नगर,जिब्रान कुरेशी वय 29 वर्षे रा भाजीमंडी, राहुल लांजेवार वय 36 वर्षे रा वारेगाव, अतिकुररहमान जलील अहमद वय 30 वर्षे रा बुनकर कॉलोनी,जाहिद अली अयुब अली वय 24 वर्षे रा कामगार नगर कामठी असे आहे.
ही यशस्वी कारवाही जुनी कामठी पोलीस स्टेशन चे वरिष्ठ पोलीस निरीक्षक राहुल शिरे यांच्या मार्गदर्शनार्थ उपस्थित पोलीस अधिकाऱ्यांनी केले.
