चिखली तालुक्यातील माजी सभापती, सरपंचांसह काँग्रेसचे अनेक कार्यकर्ते भाजपामध्ये

बुलडाणा :- चिखली (जि. बुलडाणा) तालुक्यातील पंचायत समिती चे माजी सभापती लक्ष्मणराव अंभोरे यांच्यासह काँग्रेसच्या अनेक पदाधिकारी आणि कार्यकर्त्यांनी गुरुवारी भारतीय जनता पार्टीत प्रवेश केला. भारतीय जनता पार्टीचे प्रदेशाध्यक्ष चंद्रशेखर बावनकुळे यांनी त्यांचे स्वागत केले. भाजपा प्रदेश कार्यालयात झालेल्या या कार्यक्रमाला आ. श्वेता महाले – पाटील, खा. सुनिल मेंढे आदी उपस्थित होते.

यावेळी बावनकुळे म्हणाले की, चिखली मतदारसंघात भाजपाला बळकटी देण्यासाठी झटणाऱ्या आ. श्वेता महाले यांनी विकासाचे नवे पर्व सुरू केले आहे. भाजपाचा पाया चिखली मतदारसंघात अधिक मजबूत करण्यासाठी पक्षाकडून त्यांना सर्वतोपरी सहकार्य केले जात आहे. आगामी काळात भाजपाला सर्वच निवडणुकांमध्ये चिखली मतदारसंघात आ. श्वेताताई यांच्या नेतृत्वाखाली पक्षाला मोठे यश मिळेल, असा विश्वास बावनकुळे यांनी बोलून दाखवला.

चिखली पंचायत समितीचे माजी सदस्य राजू पाटील, एकलारा चे सरपंच गजानन अंभोरे, उपसरपंच ज्ञानेराव अंभोरे, माजी सरपंच पाटीलबा पवार, सातगांव भुसारी चे सरपंच बाबुराव देशमुख ,पळसखेड चे माजी सरपंच प्रकाश लोखंडे, योगेश भुसारी, सदाशिव डुकरे यांच्यासह अनेक ग्रामपंचायत सदस्य व कार्यकर्त्यांनी भाजपामध्ये प्रवेश केला. पंचायत समितीचे माजी सभापती अंकुश तायडे, खरेदी विक्री संघाचे संचालक भारत सुरुशे, नितीन पाटील आदी स्थानिक भाजपा कार्यकर्तेही यावेळी उपस्थित होते.

Contact us for news or articles - dineshdamahe86@gmail.com

NewsToday24x7

Next Post

शिवणयंत्र साठी अर्ज केला का? 

Thu Dec 28 , 2023
नागपूर :- महिलांना स्वावलंबी बनवण्यासाठी नागपूर महानगरपालिकेतर्फे महिलांना शिवणयंत्र वाटप केले जाते. वैयक्तिकरित्या अल्प आय गटातील गरीब-गरजू, विधवा, परित्यक्ता / घटस्फोटित महिलांनी व महिला बचत गटांनी शिवणयंत्रासाठी अर्ज केला नसेल तर आज अर्ज करावा असे आवाहन मनपाच्या समाज विकास अधिकारी डॉ. रंजना लाडे यांनी केले आहे. मनपा समाज विकास विभागामार्फत आर्थिक वर्ष २०२३-२४ साठी वैयक्तिकरित्या अल्प आय गटातील गरीब-गरजू, विधवा, […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!