नागपूर : उपवने व उद्याने सार्वजनिक प्रादेशिक विभाग नागपूर कार्यालयाच्या वतीने दरवर्षी शासनाचा उपक्रम म्हणून या वर्षी 25 व 26जानेवारीला विधानभवन नागपूर येथे 48 पुष्पप्रदर्शनाचे आयोजन करण्यात येणार आहे. पुष्पप्रदर्शनात भाग घेण्यासाठी प्रवेश अर्ज 10 जानेवारी पासून कार्यालयीन वेळेत मिळू शकतील. उद्याने प्रमींनी व जनतेनी याची नोंद घ्यावी. उद्यान स्पर्धेसाठी प्रवेशअर्ज भरण्याची अंतिम मुदत 17 जानेवारी असून पुष्पप्रदर्शनासाठी प्रवेश अर्ज भरण्याची अंतिम मुदत 22 जानेवारी आहे.
अधिक माहितीसाठी कार्यालयीन दुरध्वनी क्रमांक 2561425 वर संबंधितांनी कार्यालयीन वेळेत संपर्क साधावा, असे उपवने व उद्याने विभागाचे सहाय्यक संचालक प्रसाद कडुलर यांनी कळविले आहे. या कार्यालयाच्या वतीने विधानभवन आवारात पुष्पप्रदर्शनाचे ठिकाणी शोभीवंत झाडे विक्रीसाठी ठेवण्यात येणार आहेत. उद्यान प्रेमी व जनतेनी याची नोंद घेवून जास्तीत जास्त प्रवेशिका नोंदवून सहभाग नोंदवावा, असे आयोजकांच्या वतीने आवाहन करण्यात आले आहे.