कोदामेंढी :- तारसा – बाबदेव जि.प. क्षेत्र व तारसा पं.स.क्षेत्र परिसरात येणाऱ्या गट ग्रा.पं.गांगनेर(हिवरा) अंतर्गत येणाऱ्या गांगनेर-हिवरा नदीवरील पुल कम बंधारा मंजूर करण्यासाठी मागील चार वर्षांपासून संबंधित विभागाला व लोकप्रतिनिधीना ठराव व निवेदन देऊन सतत पाठपुरावा केल्याने सरपंच प्रदीप राऊत यांच्या प्रयत्नाला यश आले असून अँड.आ.आशिष जयस्वाल यांच्या विशेष प्रयत्नाने सदर कामाला १ करोड ७९ लक्ष रूपये मंजूर झाल्याचे सरपंच राउत यांनी सांगितले. नुकतेच सरपंच प्रदीप राऊत यांच्या हस्ते सदर कामाचे भुमिपूजन करण्यात आले व बांधकामांची सुरुवात करण्यात आली. या भुमिपूजन कार्यक्रमाला उपसरपंचा निलीमा घरजाळे , बंडू घरजाळे, विष्णू सोनसरे, ईश्वर सोनसरे, दिगांबर राऊत, बबन सोनसरे, जागेश्वर राऊत, विलास राऊत, सुरेश घोडाकाडे, पिंटू राऊत, अशोक गुजरकर, सुशिल राऊत, बाळकृष्ण राऊत, नितीन राऊत, गंगाधर राऊत, दिलीप सिरसाम, भाऊराव मेश्राम, श्रीधर वाघमारे, ऑपरेटर रोशन राऊत, कर्मचारी कवडू खंडाळे, बबलू खंडाळे व मोठ्या संख्येने गावकरी उपस्थित होते.
अखेर गट ग्रा.पं गांगनेर(हिवरा) सरपंच प्रदीप राऊत यांनी सतत केलेल्या पाठपुराव्याला यश
Contact us for news or articles - dineshdamahe86@gmail.com