मोतीराम रहाटे, प्रतिनिधी
कन्हान (नागपुर) :- हिराबाई उच्च प्राथमिक शाळा कन्हान येथे सोमवार (दि.९) जानेवारीला फातिमा शेख यांची जयंती कार्यक्रमाने साजरी करण्यात आली.
कार्यक्रमास प्रामुख्याने उपस्थित शाळा संचालक नरेंद्र वाघमारे आणि लायन्स क्लब कन्हान अध्यक्ष दिनानाथ वर्मा यांच्या हस्ते फातिमा शेख यांच्या प्रतिमेला पुष्पहार अर्पण करुन कार्यक्रमाची सुरूवात करण्यात आली. यावेळी नरेंद्र वाघमारे यांनी फातिमा शेख यांच्या जीवन चरित्रावर विद्यार्थांना मार्गदर्शन केले, त्यानंंतर मुख्याध्यापक वंदना रामापुरे यांनी पहिल्या महिला शिक्षिका सावित्रीबाई फुले व फातिमा शेख यांच्या बद्दल विद्यार्थांना मार्गदर्शन केले.
कार्यक्रमाचे सुत्रसंचालन आयशा अंसारी यांनी केले तर आभार प्रदर्शन हेमंत चांदेवार यांनी केले. याप्रसंगी भास्कर सातपुते, हेमंत वंजारी, जयश्री पवार, मंदाकिनी रंगारी, अभिषेक मोहनकर, हेमंत वाघमारे, गणेश रामापुरे सह समस्त शिक्षकवृंद व शिक्षकेतर कर्मचारी प्रामुख्याने उपस्थित होते.
