नागपूर : – राष्ट्रपिता महात्मा गांधी यांच्या ७४व्या पुण्यतिथीनिमित्त नागपूर महानगरपालिकेतर्फे महापौर श्री. दयाशंकर तिवारी व उपमहापौर श्रीमती मनीषा धावडे यांनी रविवारी (ता. ३०) व्हेरायटी चौक येथील राष्ट्रपिता महात्मा गांधीजींच्या प्रतिमेला पुष्पहार अर्पण करुन विनम्र अभिवादन केले. तसेच मनपा मुख्यालयातील डॉ. पंजाबराव देशमुख सभागृहात (स्थायी समिती सभागृहात) महात्मा गांधी यांच्या प्रतिमेला महापौर दयाशंकर तिवारी आणि उपमहापौर मनीषा धावडे यांनी पुष्पहार अर्पण करून अभिवादन केले.
हुतात्मा स्मारक सुभाष रोड, बालोदयान येथे नगरीतर्फे पुष्पचक्र अर्पण करुन हुतात्मांच्या स्मरणार्थ आदर व्यक्त करण्यात आले. तसेच चितार ओळी, जुनी शुक्रवारी, सतरंजीपूरा, गंजीपेठ, सदर चौक स्थित गांधीजींच्या प्रतिमेला महापौर यांनी पुष्पहार अर्पण केले. 
यावेळी धरमपेठ झोनचे सभापती श्री सुनील हिरणवार, गांधीबाग झोनच्या सभापती श्रद्धा पाठक, नगरसेविका उज्ज्वला शर्मा, रूपा रॉय, हर्षला साबळे, माजी उपमहापौर कृष्णराव परतेकी, माजी नगरसेवक मनोज साबळे, सहायक आयुक्त महेश धामेचा , सहायक आरोग्य अधिकारी डॉ विजय जोशी, जनसंपर्क अधिकारी मनीष सोनी आदी उपस्थित होते.
