अमरदिप बडगे,प्रतिनिधी
गोंदिया :- वनपरिक्षेत्र सडक अर्जुनी सहवनक्षेत्र कोहमारा मधील खोबा / हलबी येथील एका शेतकयावर अस्वल ने हल्ला चढवल्याने शेतकरी जखमी झाल्याची दुदैवी घटना घडली आहे.
जखमी शेतकऱ्यांचे नाव रामेश्वर रतीराम मडावी वय 52 वर्ष असुन आपल्या शेतात जात असताना अचानक अस्वलने हल्ला चढविला त्यात मडावी जखमी झाले.त्यांना प्रथमोपचार करिता नवेगाव बांध येथील प्राथमिक आरोग्य केंद्रात नेण्यात आले त्यांनतर पुढील उपचारासाठी गोंदिया येथील सामान्य रुग्णालयात दाखल करण्यात आले. घटनेची माहीत वनपरिक्षेत्र अधिकारी यांना देण्यात आली असुन सदर घटनेचा पंचनामा केला आहे. जखमी झालेल्या शेतकऱ्यांला वनविभागाकडून आथिर्क मदत देण्याची मागणी होत आहे.
