-पदक तालिकेत विद्यापीठ चौथ्या स्थानावर
नागपूर :- गणपत विद्यापीठ गुजरात येथे पार पडलेल्या पश्चिम विभागीय आंतर विद्यापीठ युवा महोत्सवात राष्ट्रसंत तुकडोजी महाराज नागपूर विद्यापीठाच्या चमूने उत्कृष्ट कामगिरी केली आहे. एकूण पदक तालिकेत विद्यापीठाची चमू चौथ्या क्रमांकावर राहिली आहे. विद्यापीठातील २३ कलावंत विद्यार्थी तसेच संघ व्यवस्थापक यांची राष्ट्रीय युवा महोत्सवाकरिता निवड झाली आहे. 
गणपती विद्यापीठ मेहसाणा गुजरात येथे १० ते १४ फेब्रुवारी २०२३ दरम्यान भारतीय विद्यापीठ संघ द्वारा आयोजित पश्चिम विभागीय युवक महोत्सवाचे आयोजन करण्यात आले होते. या महोत्सवात विद्यापीठाची चमू उत्कृष्ट कामगिरी करीत एकूण पदक तालिकेत चौथ्या क्रमांकावर राहिली आहे. राष्ट्रसंत तुकडोजी महाराज नागपूर विद्यापीठाच्या चमूतील सुगम संगीत प्रकारात प्रतीक म्हैसकर यांनी तृतीय पुरस्कार पटकाविला. तालवाद्य प्रकारात विपुल ढोले यांनी तृतीय पुरस्कार, ड्रामा प्रहसन प्रकारात संघाने द्वितीय पुरस्कार पटकावला. यामध्ये प्रणव धनुष्कर, सिद्धांत क्षीरसागर, नितीन मरसकोल्हे, गौरी दुर्गे, निरजा चोपडा, आश्लेषा डोंगरदिवे यांचा समावेश होता.
निर्देशक जय गाला व सारंग गुप्ता यांनी केले. मिमिक्री प्रकारात ब्रायन डोंगरदिवे यांनी तृतीय पुरस्कार पटकावला. फाईन आर्ट पोस्टर मेकिंग प्रकारात सपना दहीकर हिने तृतीय पुरस्कार तर फोटोग्राफीमध्ये नम्रता भारती तिने तृतीय पुरस्कार पटकावला. वक्तृत्व स्पर्धेत विशाल खर्चवाल याने प्रथम पुरस्कार तर वादविवाद स्पर्धेत विशाल खर्चवाल व मेहेंदी शेख यांनी प्रथम पुरस्कार पटकावला. शास्त्रीय नृत्य प्रकारात कामाक्षी हम्पीहोळी यांनी प्रथम पुरस्कार पटकावित पथकांमध्ये भरक टाकली. विजेत्या स्पर्धकांचे राष्ट्रसंत तुकडोजी महाराज नागपूर विद्यापीठाचे कुलगुरू डॉ. सुभाष चौधरी, कुलसचिव डॉ. राजू हिवसे, विद्यार्थी विकास विभागाचे संचालक डॉ. मंगेश पाठक यांनी अभिनंदन केले आहे.
