नागपूर : विभागीय स्तरावर लोकशाही दिन सोमवार दिनांक 10 एप्रिल रोजी सकाळी 11 वाजता विभागीय आयुक्त कार्यालय येथे आयोजित करण्यात आला आहे.
लोकशाही दिनानिमित्त जनतेच्या तक्रारी व अडचणी गाऱ्हानी सोडविण्यात येणार आहे. जिल्हास्तरावरील लोकशाही दिनामध्ये दिलेल्या निवेदनाची प्रत तसेच जिल्हाधिकारी कार्यालयाकडून मिळालेल्या उत्तराच्या सर्व प्रतिंसह उपस्थित राहावे, असे आवाहन उपायुक्त प्रदीप कुलकर्णी यांनी केले आहे.
