![](https://newstoday24x7.com/wp-content/uploads/2024/06/BJP-Half-page_page-0001.jpg)
मुंबई :- मुख्यमंत्री जनकल्याण कक्षाच्या पुढाकाराने अल्पभूधारक शेतकऱ्यांना फार्मर टूल किट व शालेय विद्यार्थ्यांसाठी शालेय बॅग व त्यालाच जोडलेला डेस्क अशा नाविन्यपूर्ण शैक्षणिक साहित्याचे (IEC KIT) वितरण मुख्यमंत्री एकनाथ शिंदे यांच्या हस्ते आज करण्यात आले.
![](https://newstoday24x7.com/wp-content/uploads/2024/06/WhatsApp-Image-2024-06-06-at-16.46.34_c08487b5.jpg)
वर्षा या शासकीय निवासस्थानी झालेल्या या कार्यक्रमास आमदार भरत गोगावले यांच्यासह मुख्यमंत्री जनकल्याण कक्षाचे मुख्य समन्वयक मनोज घोडे पाटील, आयटीसी कंपनी, एएफएआरएम (AFARM), फिनिश सोसायटीचे प्रतिनिधी व लाभार्थी उपस्थित होते.
मुख्यमंत्री एकनाथ शिंदे यांच्या हस्ते अल्पभूधारक शेतकऱ्यांना देण्यात आलेल्या किटमध्ये शेती साहित्याबरोबर वैयक्तिक उपयोगाच्या गोष्टींचा समावेश असल्याने त्याचा या शेतकऱ्यांना लाभ होणार आहे. तर नाविन्यपूर्ण शैक्षणिक साहित्य ( IEC KIT) मुलांना उपलब्ध होणार असल्याने या मुलांची जाण वाढविण्याच्या दृष्टीने आईसी (Information, Education & Communication) किट उपयुक्त ठरणार आहे.