मुंबई : माहिती व जनसंपर्क महासंचालनालय निर्मित ‘दिलखुलास‘ या कार्यक्रमात विधान परिषद उपसभापती डॉ. नीलम गोऱ्हे यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व न्यूज ऑन एआयआर या अॅपवर शुक्रवार दि. ३१ डिसेंबर २०२१. शनिवार दि. १ जानेवारी २०२२ आणि सोमवार दि. ३ जानेवारी २०२२ रोजी सकाळी ७.२५ ते ७.४० या वेळेत प्रसारित होईल. निवेदक दीपक वेलणकर यांनी ही मुलाखत घेतली आहे.
३ जानेवारी या सावित्रीबाई फुले यांच्या जन्मदिनाचे औचित्य साधून ही मुलाखत घेण्यात आली आहे. सावित्रीबाई फुले यांचे सामाजिक व स्त्रीशिक्षणविषयक कार्य, गेल्या साठ वर्षातील महिलांची प्रगती, महिलांविषयक कायदे, महिलांचा राजकारणातील सहभाग वाढावा यासाठीचे प्रयत्न, महिलांना केलेले आवाहन आदी विषयांची माहिती विधानपरिषद उपसभापती डॉ. नीलम गो-हे यांनी ‘दिलखुलास‘ या कार्यक्रमातून दिली आहे.
