संदीप कांबळे, विशेष प्रतिनिधी
-आगामी गणेशोत्सव विसर्जन मध्ये सहायता करण्याची केली मागणी
कामठी ता प्र 29 :- ढिवर समाज बहुउदेशीय संस्था कामठी च्या वतीने अध्यक्ष सुभाष टोहणे यांच्या नेतृत्वात कामठी नायब तहसीलदार राजीव ब्रह्मनोटे यांना न्यायिक मागण्यासाठी आज सामूहिक निवेदन देण्यात आले. यावेळी कामठी संस्था अध्यक्ष सुभाष टोहणे, कोषाध्यक्ष योगेश दुधबावणे, सचिव रुपेश चाचेरे, उपाध्यक्ष मनोहर चांदेकर,सहसचिव विनोद टोहणे,कार्याध्यक्ष कृष्णा पारसे, सदस्य संतोष गोंडाळे, राजेश शेंडे,गणेश नगरे इत्यादिसह असंख्य कार्यकर्त्यांची उपस्थिती होती.
निवेदनात सांगितले की, दरवर्षी प्रमाणे यावर्षी सुध्दा आगामी गणेशोत्सव विसर्जन दरम्यान घाटावर कोणतीही जीवित हानी होऊ नये यासाठी कामठी येथील ढिवर समाजातील जीवन रक्षक पथकाचे स्वयंसेवक कार्यकर्तेची निवड करण्यात यावी यासाठी व त्यांना मानधन, जीवन बीमा व जीवन रक्षक पोशाख उपलब्ध करीत स्वयंसेवकांची दोन वेळच्या जेवणाची व्यवस्था करण्यात यावी. अशी मागणी अध्यक्ष सुभाष टोहणे यांनी दिलेल्या सामूहिक निवेदनातुन केली आहे.