नागपूर :- काँग्रेस अध्यक्षा सोनिया गांधी आणि खा. राहुलजी गांधी यांच्याविरोधात केंद्रातील भाजपा सरकार राजकीय सुडबुद्धीने वागत आहे. 
विरोधकांचा आवाज दडपण्यासाठी केंद्रीय यंत्रणांचा सर्रास गैरवापर केला जात असून त्याचाच एक भाग म्हणून खोट्या प्रकरणात अडकवण्यासाठीच सोनिया गांधी व राहुल गांधी यांना ईडीने नोटीस बजावली आहे. 
भाजपा सरकारच्या या हुकूमशाही वृत्तीचा विरोध करण्यासाठी आज (ई डी) कार्यालय, CGO complex , टी वी टॉवर चौक , सेमिनरी हिल्स , नागपूर येथे ईडीच्या कार्यालयासमोर धरणे आंदोलन करण्यात आला.
या प्रसंगी नागपूर शहर काँग्रेसचे अध्यक्ष आमदार विकास ठाकरे, प्रदेश काँग्रेसचे उपाध्यक्ष डॉ. सुनील देशमुख, आमदार ऍड. अभिजीत वंजारी, आ. राजू पारवे, आ. सहसराम कारोटे, आ.प्रतिभा धानोरकर, युवक काँग्रेसचे महासचिव केतन ठाकरे, आदि तसेच विदर्भातील काँग्रेसचे सर्व जिल्हाध्यक्ष, पदाधिकारी व कार्यकर्ते मोठ्या संख्येने उपस्थित होते.
