रामटेक :- रामटेक पोलिस ठाण्यांतर्गत नुकतेच विधानसभा सार्वत्रिक निवडणूक – २०२४ संबंधाने जिल्हाधिकारी विपिन इटनकर व नागपूर ग्रामीणचे पोलिस अधीक्षक हर्ष पोद्दार यांच्या मार्गदर्शनात शहरात रूट मार्च व मॉक ड्रिल घेण्यात आले.
रूट मार्चमध्ये उपविभागीय पोलिस अधिकारी रमेश बरकते, रामटेक पोलिस निरीक्षक आसाराम शेटे, अरोलीचे ठाणेदार स्नेहल राऊत, देवलापारचे ठाणेदार नारायण तुरकुंडेसह एकूण ७ अधिकारी, ५४ अंमलदार, आरसीपी पथक, एसएसबी पथक हजर होते.
आंबेडकर चौक ते बसस्टैंड चौक या भागातून रूट मार्च काढण्यात आला . रूट मार्चमध्ये विधानसभा निवडणूक संदर्भात कुठेही कायदा व सुव्यवस्थेचा प्रश्न निर्माण होणार नाही, तसेच आचारसंहितेचे उल्लंघन होणार नाही, याबाबत जिल्हाधिकारी विपिन इटनकर यांनी सूचना दिल्या. गर्दीवर नियंत्रण कसे मिळविता येईल, याकरिता बसस्टैंड चौकात प्रात्यक्षिक घेण्यात आले.
