संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या न्यू येरखेडा येथील पाण्याच्या टंकीखाली अवैधरित्या सुरू असलेल्या जुगार अड्यावर धाड घालण्यात नवीन कामठी पोलिसांना यशप्राप्त झाले असून या धाडीतून सहा जुगाऱ्याना ताब्यात घेत त्यांच्याकडून नगदी 16 हजार 20 रुपये, वेगवेगळ्या कंपणीचे 5 महागडे मोबाईल किमती 84 हजार रुपये,52 तास पत्ते किमती 75 रुपये,जागेवरून 1200 रुपये व इतर असा एकूण 1 लक्ष एक हजार 295 रुपयांचा मुद्देमाल जप्त करण्याची कारवाही मध्यरात्री 2 वाजेदरम्यान केली. तर या सहाही जुगाऱ्यावर भादवी कलम 12 महाराष्ट्र जुगार कायदा प्रमाणे गुन्हा दाखल करण्यात आला.
गुन्हा दाखल करण्यात आलेल्या सहा जुगाऱ्यात बादल उर्फ दादू भस्मे वय 32 वर्षे रा तेलिपुरा येरखेडा,शुभम चौधरी वय 21 वर्षे रा ऑरेंज सिटी कामठी, आकाश बाहे वय 28 वर्षे रा तारा माता चौक येरखेडा,सोनू यादव वय 28 वर्षे रा प्रीती ले आउट येरखेडा, मुन्ना यादव वय 28 वर्षे रा यादव नगर, कामठी, राजकुमार दिवटे वय 42 वर्षे रा वार्ड क्र 1 येरखेडा कामठी असे आहे.ही यशस्वी कारवाही वरिष्ठ पोलीस निरीक्षक प्रमोद पोरे यांच्या मार्गदर्शनार्थ पोलीस उपनिरीक्षक संजय आठवले सह पोलीस पथकाने केले असून पुढील तपास सुरू आहे.
