अमरावती :- जनार्दन रॉय नगर राजस्थान विद्यापीठ, उदयपूर येथे दिनांक 20 ते 24 डिसेंबर, 2022 दरम्यान होणा-या पश्चिम विभागीय आंतर विद्यापीठ हॉकी (महिला) स्पर्धेकरीता संत गाडगे बाबा अमरावती विद्यापीठाचा संघ घोषित झाला असून खेळाडूंचे प्रशिक्षण शिबीर डिग्री कॉलेज ऑफ फिजिकल एज्युकेशन, अमरावती येथे दिनांक 8 ते 17 डिसेंबर दरम्यान होणार आहे.
खेळाडूंमध्ये अमोलकचंद महाविद्यालय, यवतमाळची योगेरी बागडे, जयश्री कुडे, मानसी धुमाळ, पलक सवाईमुल, स्वेता धुमाळ व अंकिता अतकरे, बाबाजी दाते कला व वाणिज्य महाविद्यालय, यवतमाळची शिल्पा राठोड, विद्याभारती महाविद्यालय, अमरावतीची पायल चंदेल व सिमरन बुंदेले, डिग्री कॉलेज ऑफ फिजिकल एज्युकेशन, अमरावतीची मुस्कान गोयल, राखी कुमारी, दिपाली व शिवानी सूर्यवंशी, गोपीकाबाई सिताराम गावंडे महाविद्यालय, उमरखेडची स्वामिनी कुलकर्णी, श्रीमती केशरबाई लाहोटी महाविद्यालय,अमरावतीची मोनिका काकडे व प्रगती मोहोड, श्री शिवाजी कला व वाणिज्य महाविद्यालय, अमरावतीची गायत्री अंभोरे, निशा हिवराळे व तनिषा रामटेके, मांगिलाल शर्मा कला, वाणिज्य व विज्ञान महाविद्यालय, अकोलाची प्रिया शुक्ला, राजश्री शाहू विज्ञान महाविद्यालय, चांदुररेल्वेची ऋतुजा चावरे व आचल ठाकरे, सिताबाई कला महाविद्यालय, अकोलाची शिवानी पांडे हिचा समावेश आहे.
