नागपूर :- ग्रामीण पोलीस दलातील लांबउडी स्पर्धेत पोलीस अंमलदार अमित रमेश मसरके याने राज्य स्तरावरील ३४ वी महाराष्ट्र राज्य पोलीस क्रीडा स्पर्धा २०२४ या स्पर्धेमध्ये नागपूर ग्रामीणचे प्रतिनीधीत्व करून दिनांक ०४/०२/२०२४ ते दिनांक ०६/०२/२०२४ पर्यंत महाराष्ट्र पोलीस अॅकेडमी नाशिक येथे आयोजित झालेल्या ३४ यी महाराष्ट्र राज्य पोलीस क्रीडा स्पर्धा २०२४ मध्ये घेण्यात आलेल्या लांब उडी स्पर्धेत सुवर्ण पदक पटकावुन नागपूर ग्रामीणला गौरवांन्वीत केले. अमित याने ६.६३ मीटर लांबउडी मारून प्रथम क्रमांक प्राप्त केला. सुवर्णपदक पटकाविल्या बद्दल नागपूर ग्रामीणचे पोलीस अधीक्षक हर्ष ए. पोद्दार (भा.पो.से) तसेच अपर पोलीस अधिक्षक रमेश धुमाळ यांनी अभिनंदन केले. तसेच अमित मसरके याला १० हजार रू. बक्षीस जाहीर केले आहे.
अमित हा नागपूर ग्रामीण पोलीस दलात कार्यरत आहे. त्याने नेहमीच पोलीस दलातील अतिशय व्यस्त व धावपळीचे आपले दैनदिन कर्तव्य सांभाळून आपला खेळण्याचा छंद कायम जोपासला आहे. खेळाप्रती त्याची मेहनत व जिद्द पाहुन नागपूर ग्रामीण पोलीस दलातील सर्वांना त्याचा सार्थ अभिमान वाटत आहे.
